Limaj kujton bashkëluftëtaret e tij në Hagë: Lufta e UÇK-së ishte e drejtë

19:32 | 5 Nëntor 2024
R J

Më 4 dhe 5 nëntor u mbushën katër vjet nga arrestimi i ish-udhëheqësve të Ushtrisë Çlirimtare të Kosovës, të cilët po përballen me akuza për krime lufte dhe krime kundër njerëzimit në Gjykatën Speciale në Hagë.

Kryetari i Nismës Socialdemokrate, Fatmir Limaj, ka rikujtuar, këtë duke thënë se lufta e UÇK-së ishte e pastër dhe është e shenjtë.

“Sot bëhen 4 vjet që bashkëluftëtarët dhe miqtë e mi po përballen padrejtësisht me akuza të rrejshme në Hagë. Si njëri nga ata që ka triumfuar dhe ka fituar beteja të tilla, më së miri i kuptoj sfidat jo të lehta me të cilat po përballen ata, familjet e tyre, por edhe bashkëluftëtarët dhe qytetarët e Kosovës! Jam thellë i bindur, duke qenë i sigurt në pastërtinë e luftës sonë çlirimtare, ata do ta fitojnë edhe këtë betejë, si gjithë betejat e tjera për lirinë!“, shkroi ai.